ئارەزووی نەمام
10 خرداد 1388
فاتێح تينوو
خەڵفە نەمامی کوڕ پیرە دارم
زام زەدەی تێغی دەس رۆژگارم
سەخڵەت و سەرما و بەفر و کڕێوە
ھەزاران ساڵە کە وان بە ڕێوە
لە ڕەگ و باڵام کاریگەر نەبوون
پەل و پۆی با پیر بۆ من سەنگەر بوون
سا بە ھەر ئەحواڵ ھاتمە ئەم دەورە
بە ھیوام ببم بە دارێ گەورە
جوان و ڕازاوە و سەر سەوز بنوێنم
بە لەرەی گەڵا سروشت بنوێنم
فەرشی سێبەرم ڕایخەی چیمەن بێ
پەل و پۆم پرچی بوکی دیمەن بێ
سەمەرەم مێوەی نەو ڕەس و خام بێ
ھەمووی بە بەلاش بە مەزە و تام بێ
بەڵام بەو شەرتە نەدەن ئازارم
بگەم بەو ڕۆژە کە پیرە دار بم
نظر خوانندگان
-
دستت خؤش كاكى شاعير ،شيعره كه ت جوانه
-
ده س و چاوتان خوش بی کاکه فاتیح گیان.
تیبینی:
1 - فه رشی سیبه رم وه کوو چیمه ن بی
2- سه مه ره م میوه ی کال و خاو نه بی
3- ئه گه م به و روژه چون کوری دارم
-
سپاس کاک فاتیح شیعره کانت هه ر ده م جوان ورازاوه ن سه رکه وتوبیت